पुस्तक..

       पुस्तक...
पुस्तक होता संगती,
दुर अज्ञानाची भीती,
वाढे ज्ञानाची संपत्ती,
विचारासवे।।

समृद्धी अन प्रेरणाही,
अनुभवांची खाणही,
हिऱ्यागत उजळूनही,
तेजासम।।

विद्वानांचे शब्दामृत,
सद्सद्तेचा विवेकदूत,
सुविचारांचे माय-तात,
ग्रंथसंपदा।।

अथांग ज्ञानसागर,
मुर्तिमंतांची बखर,
ऐतिहासिक जागर,
इतिहासाचा।।

संतांची निर्मल वाणी,
सत्य हेच वचनी,
निर्मिक अशी लेखणी,
ज्ञानवाणी।।
     -विशाल दा.धिवरे
अंबासनकर/९९२१९३४६३७